એક રાજાએ બે કેદીઓને મોતની સજા સંભળાવી.
એમાંથી એક કેદી જાણતો હતો કે રાજાને તેના ઘોડા માટે ખુબ જ પ્રેમ અને લગાવ છે.
એણે રાજાને કહ્યું કે,"જો તેની સજા માફ કરવામાં આવે તો તે એક વર્ષમાં તેના ઘોડાને ઉડતાં શીખવાડી દેશે!"
આ સાંભળીને રાજા ખુશ થઈ ગયો. તેને વિચાર આવ્યો કે તે દુનિયાના એક માત્ર ઉડતા ઘોડા પર સવારી કરી શકશે!
બીજા કેદીએ તેના આ મિત્ર સામે અવિશ્વાસની નજરે જોયું અને કહ્યું: "તું તો જાણે જ છે કે કોઈપણ ઘોડો ક્યારેય ઉડી શકે નહીં. તેં આવી અશક્ય જેવી વાત વિચારી જ કેવી રીતે? તું આ રીતે તારા મોતને એક વર્ષ માટે ટાળી શકે છે, પણ પછી?"
પહેલા કેદીએ કહ્યું કે, " વાત એમ નથી. પરંતુ હકીકતમાં આમ કરીને મેં મારી જાતને સ્વતંત્ર કરવાના ચાર મોકા આપ્યા છે.
એક : શક્ય છે કે રાજા એક વર્ષમાં મૃત્યુ પામી શકે છે.
બે : શક્ય છે કે એક વર્ષમાં હું મરી શકું છું.
ત્રણ : શક્ય છે કે એક વર્ષમાં ઘોડો મૃત્યુ પામી શકે છે.
ચાર : શક્ય છે કે હું એક વર્ષમાં ઘોડાને ઉડવાનું શીખવાડી શકું!"
આ વાર્તા પરથી એ શીખવા મળે છે કે ખરાબમાં ખરાબ પરિસ્થિતિમાં પણ આશા છોડવી જોઈએ નહીં.
કોરોના મહામારી સંદર્ભે આ વાર્તાનો વિચાર કરતાં જણાશે કે
- કોરોનાના પોઝીટીવ કેસ ઘટવાની શરૂઆત થઈ ચુકી છે.
- રીકવરી દર વધી રહ્યો છે.
- હોસ્પિટલ અને બેડની સંખ્યા વધી રહી છે. લશ્કરે પણ મોરચો સંભાળી લીધો છે.
- ઓક્સિજન ઉત્પાદન વધી રહ્યું છે. વિદેશથી ઓક્સિજન સહાય આવી રહી છે. ઓક્સિજન સપ્લાય વધી રહ્યો છે.
- દવાઓ અને ઈન્જેક્શનનું ઉત્પાદન વધી રહ્યું છે અને વિદેશથી પણ સહાય આવી રહી છે.
- વેક્સિનેશનનું પ્રમાણ વધી રહ્યું છે, વેક્સિન ઉત્પાદન વધી રહ્યું છે, વિદેશથી વેક્સિન આવી રહી છે.
- ટ્રાન્સપોર્ટ વાહનો, રેલવે ગુડ્સ ટ્રેન, વિમાન, જહાજ રાત-દિવસ દોડી રહ્યાં છે.
- એલોપથી, હોમિયોપથી, આયુર્વેદ અને યોગ એમ દરેક ચિકિત્સાના વોરિયર્સ પૂરી શક્તિ સાથે કામ કરી રહ્યા છે.
આપણે ધૈર્ય રાખીએ.
આપણે જીતી રહ્યા છીએ.....!
આત્મ વિશ્વાસ જાળવી રાખીએ.....
આપણે જીતી રહ્યા છીએ.....!
આપણે સકારાત્મક / હકારાત્મક રહેવાનું છે.....
આપણે જીતી રહ્યા છીએ.....!
બધી જ તરફથી બધુ સારૂ જ થઈ રહ્યું છે અને સારૂ જ થવાનું છે.....!
ચાલો,
આત્મ વિશ્વાસ અને હકારાત્મક અભિગમ સાથે.....
ઘરમાં પરિવાર સાથે રહીએ.....
સુરક્ષિત રહીએ.....!
(ઈન્ટરનેટ પરથી)
