સિંગાપુર સાંસ્કૃતિક પદક જીતનાર લી ત્ઝૂ ફેંગ દ્વારા રચિત એક સુંદર અંગ્રેજી કાવ્યનો ભાવાનુવાદ
તમારી ચા ધીમેથી ચૂસકી લેતા, સુખેથી માણો
કોઈ જાણતું નથી ક્યારે આવવાનો અને જવાનો સમય થઈ જાય છે...
ચળકાટ (સુખ) માણવાનો સમય રહેશે નહીં
આથી, તમારી ચા ધીમેથી ચૂસકી લેતા, સુખેથી માણો...
☕
જિંદગી ખૂબ ટૂંકી છે પણ લાગે છે ઘણી લાંબી,
ઘણું કરવાનું (બાકી) છે અને ઘણું ખોટું પણ થઈ જાય છે અને તમે મોટા ભાગનો સમય સંઘર્ષમાં, સખત રહી શીખવામાં વિતાવો છો.
જવાનો સમય આવી જાય અને ખૂબ મોડું થઈ જાય, એ પહેલાં, તમારી ચા ધીમેથી ચૂસકી લેતા, સુખેથી માણો...
☕
કેટલાંક મિત્રો ટકી રહે છે, કેટલાંક ચાલ્યાં જાય છે
વ્હાલા મિત્રોનો સંગાથ ખૂબ ગમે છે પણ તેઓયે કાયમ સાથે રહેવાના નથી.
સંતાનો મોટાં થશે અને તેઓ પણ પોતપોતાના માળામાં ઉડી જશે
શું કેમ થશે તેનું ગણિત કોઈ માંડી શક્યું નથી
આથી, તમારી ચા ધીમેથી ચૂસકી લેતા, સુખેથી માણો...
☕
અંતે તો આ પૃથ્વી પર કે આકાશમાં ટમટમતાં તારાઓ પર,
સાચો પ્રેમ સમજી લેવામાં જ જીવનનો સાર છે
જે (તમારી) સાચી પરવા કરે છે તેની કદર કરો, તેનું મૂલ્ય સમજો...
સ્મિત કરો, ઉંડો શ્વાસ લો અને સઘળી ચિંતાઓ ત્યજી દો...
તમારી ચા ધીમેથી ચૂસકી લેતા, સુખેથી માણો...
☕
(ઈન્ટરનેટ પરથી)
No comments:
Post a Comment