કબૂતર અને માણસ વચ્ચેનો ફરક

એક પ્રાચીન જર્જરીત મંદીરની છત પર કેટલાક કબૂતર સુખેથી રહેતા હતાં. કોઈક તહેવાર આવી રહ્યો હોઈ મંદીરનું સમારકામ થવાનું શરૂ થતાં કબૂતરો નજીકના એક ચર્ચની છત પર જઈ રહેવા માંડ્યા.

પહેલેથી જ ચર્ચની છત પર રહેતાં કબૂતરોએ  નવાગંતુકોનું  સ્વાગત કરતાં તેમને સહેલાઈથી રહેવા માટે સારી સગવડ કરી આપી. હવે બન્યું એવું કે નાતાલનો તહેવાર નજીક આવતો હોવાને લીધે ચર્ચનું રંગરોગાન શરૂ થતાં બધાં કબૂતરોને ત્યાંથી સ્થળાંતર કરવાની ફરજ પડી.

નજીકમાં જ એક મસ્જીદ હતી. સદનસીબે તેની છત પર સારી એવી જગા હતી અને ત્યાં રહેતાં કબૂતરોએ મંદીર તેમજ ચર્ચપર રહેતાં બધાં કબૂતરોને આવકાર્યાં અને તેઓ સૌ સાથે રહેવા લાગ્યાં.

થોડો સમય તો બધું બરાબર ચાલ્યું પણ હવે રમઝાનનો મહિનો નજીક આવવાનો હોઈ મસ્જીદનું સુશોભન અને સમારકામ હાથ ધરાયું. જો કે પ્રાચીન મંદીરનું નવીનીકરણ સંપન્ન થઈ ગયું હોવાથી હવે બધાં કબૂતરો ફરી મંદીરની છત પર સાથે રહેવા આવી ગયાં.

એક દિવસ મંદીરની આસપાસના વિસ્તારમાં કોમી હુલ્લડ ફાટી નીકળ્યા.એ જોઈને કબૂતરના એક બચ્ચાએ તેની મા ને પ્રશ્ન કર્યો,"મા, આ બધાં કોણ છે? તેઓ ઝઘડી શા માટે રહ્યાં છે?"

મા કબૂતરે જવાબ આપ્યો,"બેટા એ બધાં માણસો કહેવાય છે. જેઓ મંદીરે જાય તેઓ 'હિન્દુ' નામે ઓળખાય છે, ચર્ચમાં જનારા 'ખ્રિસ્તી' કહેવાય છે અને મસ્જીદે જઈ નમાઝ પઢનારાં 'મુસલમાન' કહેવાય છે."

બચ્ચુ વચ્ચે બોલ્યું," એવું કેમ મા? આપણે મંદીરમાં રહેતા હતા ત્યારે કબૂતર કહેવાતા હતા,ચર્ચમાં ગયા ત્યારે પણ કબૂતર જ કહેવાયાં અને મસ્જીદ માં પણ આપણે કબૂતર તરીકે જ ઓળખાયાં. તો પછી મનુષ્યોના આવા જુદા જુદા નામ શા માટે?"

કબૂતર મા એ જવાબ આપ્યો," મેં, તે અને આપણાં અન્ય કબૂતર ભાઈબહેનોએ ઇશ્વરનો અનુભવ-પરવરદિગારનો સાક્ષાત્કાર કરી લીધો છે, તેમને પામી લીધાં છે એટલે જ આપણે આમ ઉંચાઈ વાળી જગાએ શાંતિ અને ભાઈચારાથી રહીએ છીએ. જ્યારે માણસો ને ભગવાનનો અનુભવ-સાક્ષાત્કાર થવો હજી બાકી છે, માટે જ તેઓ આપણાથી નીચે રહી એકબીજા સાથે લડે-ઝઘડે છે અને એકબીજાને મારી નાંખી રમખાણો કરે છે."

શું મનુષ્યો ક્યારેય આ વાતનો વિચાર કરી તેને સમજી શકશે?

('ઈન્ટરનેટ પરથી')

બે વાક્યની ડરામણી વાર્તાઓ (ભાગ - ર)

રૂંવાડા ઉભા કરી નાંખનારી બે વાક્યની ડરામણી વાર્તાઓ…

૧૧. હું એક સુંદર દિવાસ્વપ્ન જોઈ રહ્યો હતો ત્યાં મને હથોડા મારવાના અવાજોએ જગાડી મૂક્યો.પછી તો મને મારી પોતાની કબરમાં ધૂળ નીચે દબાઈ જતી મારી ચીસોનો ધીમો થતો જતો અવાજ પણ સંભળાતો બંધ થવા લાગ્યો…

૧૨. “મને ઉંઘ નથી આવી રહી” તેણે ધીમે થી મારી સાથે પલંગમાં સરકતા કહ્યું. હું જાગ્યો ત્યારે સાવ ઠંડો પડી ગયો હતો અને મારી બાજુમાં હતો તેનો એ ડ્રેસ જેમાં તેને દફન કરવામાં આવી હતી.

૧૩. મેં મારા વહાલસોયાને પલંગમાં સૂવડાવ્યો અને તરત તેણે કહ્યું,”પપ્પા, પલંગ નીચે શેતાન છે...” મેં પલંગ નીચે ડોકિયું કર્યું અને ત્યાં પણ મને મારી સામે ટીકી ટીકીને જોઈ રહેલો મારો વહાલસોયો જોવા મળ્યો જે ધીમા દબાતા સાદે બોલ્યો “પપ્પા, પલંગ ઉપર શેતાન છે…”

૧૪. તમે થાકીને લોથપોથ થતા ઘેર આવો છો અને રાતે આરામથી ઘસઘસાટ ઉંઘવા તૈયારી કરો છો. એકલા રહો છો એવા એ ઘરમાં તમે લાઈટની સ્વીચ બંધ કરવા હાથ લંબાવો છો પણ ત્યાં કોઈકનો હાથ તમને દેખાય છે…

૧૫. હું હલી શકતો નથી,શ્વાસ લઈ શકતો નથી,બોલી કે સાંભળી પણ શકતો નથી એટલું અંધારૂં અહિં સદાયે હોય છે.પણ જો મને પહેલેથી ખબર હોત કે અહિં આટલી એકલતા સાલશે તો મેં આને બદલે દફન થઈ જવાનું વધુ પસંદ કર્યું હોત…

૧૬. તે ઉપર પોતાના સૂતેલા નવજાત બાળકને જોવા માટે ગઈ.પણ એ ત્યાં નહોતું અને એ ખંડની બારી ખુલ્લી હતી…

૧૭. શેતાનોથી ડરશો નહિ, તેમને શોધવાનો પ્રયત્ન કરશો.તમારી ડાબે જોશો,જમણે જોશો,તમારા પલંગ નીચે જોશો,તમારા કબાટમાં પણ ફંફોસી જોશો પણ ભૂલે ચૂકેય ચત તરફ ઉપર જોશો નહિ, તેને પસંદ નથી કોઈ તેની સામુ જુએ…

 

૧૮. મારી દિકરી અડધી રાતે અચાનક ચીસો પાડી રડવા માંડે છે.હું તેની કબર પર જઈ તેને શાંત થઈ જવા વિનંતી કરૂં છું પણ એ ક્યાં મારૂં સાંભળે છે?...

૧૯. આખા દિવસનો થાક્યો-પાક્યો હું ઘરે પાછો ફર્યો અને મેં જોયું કે મારી પ્રેયસી મારા બાળકનું પારણું ઝૂલાવી રહી છે.મને એ સમજાતુ નહોતું કે વધારે ભયંકર શું હતું – મારી મૃત પ્રેયસીનું મારા મૃત નવજાત બાળકને સૂવડાવતું દ્રષ્ય કે એ હકીકત કે કોઈકે મારા ઘરમાં ઘૂસી તેમને ત્યાં પહોંચાડ્યા…

૨૦. હું એ ખૂફીયા અવાવરા ઘરમાં એકલો જ રહેતો.મને યાદ છે દર વખતે મારે જેટલા દરવાજા ઉઘાડવા પડતાં તેના કરતાં વધુ દરવાજા બંધ કરવા પડતાં...

('ઈન્ટરનેટ પરથી')

બે વાક્યની ડરામણી વાર્તાઓ (ભાગ -૧)

રૂંવાડા ઉભા કરી નાંખનારી બે વાક્યની ડરામણી વાર્તાઓ…

૧. હું કાચ પર ટકોરા સાંભળી ઉઠી ગયો. પહેલા મને લાગ્યું કોઈ બારી પર ટકોરા મારી રહ્યું હશે પણ ફરી વાર એ ટકોરા અરીસામાંથી જ કોઈક મારી રહ્યું હતું...

૨. છેલ્લી વાત મને યાદ હતી એ ઘડિયાળ માં જોયેલો ૧૨:૦૭ વાગ્યાનો મધરાતનો સમય અને તેણે પોતાના સડી ગયેલા લાંબા લોહી નિતરતા એક હાથના નખ વડે મારી છાતી ચિરી નાંખી અને બીજા હાથે મારી ચીસો દબાવી દેવા મારું મોઢું દાબી દીધું. હું સફાળો બેઠો થઈ ગયો અને મેં નિરાંતનો શ્વાસ લીધો કે એ માત્ર એક દુ:સ્વપ્ન હતું પણ મારી નજર ઘડિયાળ પર પડી જે મધરાતના ૧૨:૦૬ નો સમય બતાવતી હતી અને અચાનક મારા કબાટનો દરવાજો કિચૂડ એવા અવાજ સાથે આપમેળે ખુલી ગયો....

૩. કૂતરા-બિલાડા સાથે જ મોટા થવાને કારણે જ્યારે હું સૂઈ જાઉ ત્યારે દરવાજા પર ઘસરડાના અવાજો મારા માટે સહજ હતાં. પણ હવે જ્યારે હું એકલો રહું છું ત્યારે પણ આવા અવાજો...

૪. છોકરી માનો પોતાને સાદ પાડીને નીચે બોલાવી રહેલો અવાજ સાંભળી ત્યાં જવા દાદરા પાસે પહોંચી.ત્યાં ઉપરના જ ઓરડામાં તેને ખેંચી લેતા મા બોલી "એ મારો જ નીચેથી આવી રહેલો અવાજ મેં પણ અહિ ઉપરથી સાંભળ્યો..."

૫. તેણે મને પૂછ્યું હું શા માટે આટલા જોરથી શ્વાસ લઈ રહ્યો છું? પણ માત્ર અમારા બે જણની જ હાજરી ધરાવતા એ ઓરડામાં હું તો જોરથી શ્વાસ લઈ રહ્યો નહોતો...

૬.  મારી પત્ની એ ગઈ કાલે રાત્રે મને ઢંઢોળી ઉઠાડતા કહ્યું કે અમારા ઘરમાં કોઈ ઘૂસી આવ્યું છે. બે વર્ષ પહેલા ઘરમાં ઘૂસી આવેલા કોઈક અજાણ્યા શખ્સે જ મારી પત્નીની હત્યા કરી નાંખી હતી…

૭. મારા તાજા જન્મેલા પ્રથમ બાળકને તડ તડ એવા અવાજ સાથે મશીન શાંત રાખવાનો પ્રયત્ન કરી રહ્યું હતું.  પત્નીની ખોટ સાલતા રૂદન માંડ માંડ ખાળતા મેં પડખું ફેરવ્યું અને ત્યાં મારી આંખ સામે મારી બાજુમાં મારા એ પ્રથમ બાળકની મા સૂતી હતી જેને હું થોડા કલાકો અગાઉ જ દફન કરી આવ્યો હતો…

૮. મારા ફોનમાં મારો હું સૂતેલો હોઉ એવો ફોટો હતો. હું એકલો રહું છું.

૯. મને હંમેશા લાગતું કે મારી બિલાડીને ઘૂરી ઘૂરીને જોવાની કુટેવ છે – એ મારી સામે સતત ટીકી ટીકીને જોયા જ કરે છે. અંતે એક દિવસ મને માલૂમ પડ્યું કે એ મારી સામે નહિ પરંતુ હંમેશા મારી પાછળ (કોઈકની સામે) જોયા કરતી હતી…

૧૦. બાળકના હાસ્ય જેટલો મધુર સ્વર બીજો કોઈ નથી. સિવાય કે એ રાતે એક વાગે તમે એકલા હોવ ત્યારે તમને સંભળાય…

(ક્રમશ:)

('ઈન્ટરનેટ પરથી')