યુબુન્ટુ

માનવશાસ્ત્રનો અભ્યાસ કરનાર એક યુવકે આફ્રિકાના આદિવાસી બાળકોના જૂથને એક રમત રમવા આપી. તેણે એક ટોપલીમાં ફળો ભર્યાં અને તેને દૂર એક ઝાડ નીચે મૂકી બાળકોને સૂચન કર્યું કે જે દોડીને એ ઝાડ સુધી સૌથી પહેલા પહોંચી જશે તેને એ આખી ટોપલી ભેટ તરીકે ઇનામમાં મળશે.

જ્યારે તેણે રમતની શરૂઆત કરી બાળકોને દોડવા કહ્યું ત્યારે એ બધાં બાળકોએ એકબીજાનો હાથ પકડી સાથે દોડવા માંડ્યું. ઝાડ પાસે પહોંચી તેમણે સમૂહમાં બેસી ફળોની ઉજાણી કરી!

જ્યારે યુવકે બાળકોને પૂછ્યું કે તેઓ શા માટે એક સાથે દોડ્યા જ્યારે કોઈ એક જણ દોડમાં પ્રથમ આવી આખી ફળોની ટોપલી એકલો જીતી ને ખાઈ શકે તેમ હતું.

બાળકોએ જવાબ આપ્યો "યુબુન્ટુ" !

 "અમારામાંનો કોઈ પણ એક બાળક કઈ રીતે ખુશ હોઈ શકે જ્યારે બીજા બધાં બાળકો દુ:ખી હોય?"

 'યુબુન્ટુ' ક્સોઝા(XHOSA) ભાષાનો એક શબ્દ છે જેનો અર્થ છે "હું છું, કારણ કે અમે છીએ."

 

('ઈન્ટરનેટ પરથી')