Saturday, April 8, 2017

શું તમે ભગવાન છો?

એક વાર કેટલાક સેલ્સમેનનું એક જૂથ શિકાગો ખાતે તેમના એક અગત્યના સેમિનારમાં હાજરી આપી પાછું ફરી રહ્યું હતું. સૌએ પોતપોતાના પરીવારજનોને પોતે જલ્દી પાછા ફરશે એવી ખાતરી આપી હતી જેથી હવે પછી તેમને મળવાની થોડી રજાઓમાં તેઓ પોતપોતાના પ્રિયજનો સાથે વધુમાં વધુ સમય ગાળી શકે.
તેઓ માર્ગમાં ટ્રાફીકની સમસ્યાને કારણે એરપોર્ટ પહોંચવામાં  મોડા પડ્યા હતાં. ઉતાવળે ભાગવામાં એક સેલ્સમેનની બ્રિફકેસ બેગ માર્ગમાં એક નાનકડી ખુલ્લી દુકાનના ટેબલ સાથે અથડાઈ જેના પર સફરજન એકની ઉપર એક પિરામીડ આકારે વેચાણ માટે પ્રદર્શનાર્થે ગોઠવેલા હતાં. બેગ સાથે અફળાતા બધાં સફરજન ચારે દિશામાં વેરાઈ ગયાં. સેલ્સમેને તો પાછું વળીને જોયું પણ નહિ કે તેણે કોને કેટલું નુકસાન પહોંચાડ્યું હતું અને તેની સાથેના બીજા સેલ્સમેન પણ ફ્લાઈટ ચૂકી જવાય ડરથી એક ક્ષણ પણ ત્યાં ઉભા રહ્યા નહિ સિવાય કે એક ભલો સંવેદનશીલ સેલ્સમેન.
સેલ્સમેન  ફ્લાઈટ ચૂકી જવાના ભય છતાં માણસાઈ ચૂક્યો નહિ. તે સફરજન વાળા પેલા સ્ટોલ કરતા થોડે આગળ ઉભો રહી ગયો અને તેણે સ્ટોલ સંભાળી રહેલી ગરીબડી છોકરી પ્રત્યે સંવેદના અનુભવી અને તેના અંતરાત્માએ તેને છોકરીને મદદ કરવા સૂચવ્યું. તેણે નક્કી કરી લીધું કે પોતે સેલ્સમેન મિત્રો સાથે ફ્લાઈટ પકડવા ઉતાવળે નહિ જાય.તેણે એક મિત્રને પોતાને ઘેર સંદેશો આપવા જણાવી દીધું કે પોતે પછીની જે ફ્લાઈટ પ્રાપ્ય હશે તે પકડી ઘેર આવશે.અને તે ફરી પાછો જગાએ આવ્યો જ્યાં સફરજન વેરાયેલા પડ્યા હતાં. તેને પાછા ફરવા બદલ મનમાં એક અજબની ખુશી થઈ રહી હતી. તેને જાણ થઈ કે સોળ વર્ષની યુવતિ સંપૂર્ણપણે અંધ હતી. તે ધીમે ધીમે રડી રહી હતી. તેના ગાલ પરથી હતાશા ભર્યા અશ્રુ વહી રહ્યા હતાં. તે પોતાના વેરાઈ ગયેલા ફળો સમેટવાનો નિરર્થક પ્રયાસ કરી રહી હતી. તેની આસપાસથી અનેક લોકો પસાર થઈ રહ્યા હતાં પણ કોઈ પાસે તેને મદદ કરવાની કે તેની પરવા કરવાની ફુરસદ નહોતી. પેલો ભલો સેલ્સમેન તેની બાજુમાં ઘૂંટણિયે બેસી ગયો અને તેણે એક પછી એક બધાં સફરજન ઉપાડી તેને ફરી પિરામીડ જેવા આકારમાં ટેબલ પર પ્રદર્શન માટે ગોઠવવા માંડ્યા.આમ કરતી વેળા તેણે જોયું કે કેટલાક ફળો દબાઈ ગયા હતાં,ચગદાઈ ગયા હતાં. તેણે બાજુમાં પડેલા એક ટોપલામાં અલગ રાખ્યાં. બધાં સફરજન લેવાઈ ગયા બાદ તેણે પોતાના પાકીટ માંથી વીસ ડોલરની નોટ કાઢી અને યુવતિના હાથમાં મૂકતા કહ્યું," અમારાથી થયેલા નુકસાનની ભરપાઈ તરીકે વીસ ડોલર ને સ્વીકારી લો. તમે ઠીક તો છો ને?"
તેણે રડતા રડતા હકારમાં ડોકુ ધૂણાવ્યું.
સેલ્સમેને કહ્યું,"અમે તમારો દિવસ ખરાબ કરી નાખ્યો નહિ?અમને માફ કરી દેજો." આટલું કહી જેવું સેલ્સમેને ચાલવાનું શરૂ કર્યું કે યુવતિએ તેને સાદ પાડ્યો," સર..." તે થોભી ગયો અને પાછું વળી તેણે યુવતિની દ્રષ્ટીવિહીન આંખોમાં ડોકિયું કર્યું.
તે પૂછી રહી હતી,"શું તમે ભગવાન છો?"
તેણે વ્હાલથી યુવતિના માથે હાથ ફેરવ્યો અને પ્લેન ની હવે પછીની ફ્લાઈટ લેવા આગળ તરફ પ્રયાણ કર્યું.તેના મનમાં યુવતિના શબ્દો પડઘો પાડી રહ્યા હતાં," શું તમે ભગવાન છો?" તેનો આત્મા ઉંડા ચિંતનમાં ખોવાઈ ગયો હતો.
જીવવું રીતે જોઇએ કે લોકો તમારામાં ઇશ્વરને જુએ.પ્રેમ, સહાય અને માનવતાનો ધોધ વહાવીને પળો વિતાવવી જોઇએ.
ચાલો ઓછામાં ઓછા એક જણના જીવનમાં સકારાત્મક પરિવર્તન લાવવાનો સંલલ્પ કરીએ.


('ઈન્ટરનેટ પરથી')

2 comments:

  1. નિમિષ ઠક્કરApril 8, 2017 at 10:03 AM

    'શું તમે ભગવાન છો?' વાર્તા ખુબ સરસ હતી.અભિનંદન!

    ReplyDelete
  2. ખૂબજ સરસ ભાઈ...તમારી પોસ્ટ વાંચીને સંઘર્ષમય જીવનમાં એક પ્રકારનો ઉત્સાહ પ્રાપ્ત થાય છે...ધન્યવાદ

    ReplyDelete