હોડીમાં સુરક્ષિત રીતે બેસવાનું મહત્વ

એક રાજા પોતાના લશ્કર સાથે હોડીમાં બેસી પરત પોતાના રાજ્ય તરફ આવી રહ્યો હતો.રાજા એ કેટલાક ગુલામ ખરીદ્યા હતા જે એ જ હોડીમાં રાજા સાથે મુસાફરી કરી રહ્યાં હતાં.જેવી હોડી ચાલવા લાગી કે એક ગુલામે બૂમાબૂમ કરી મૂકી કારણ તે આ પહેલા ક્યારેય હોડીમાં બેઠો નહોતો.પરેશાન થયેલા રાજાએ વજીરને તે ગુલામને ચૂપ કરાવવા કહ્યું.

રાજાની વાત સાંભળી વજીરે તે ગુલામને ચૂપ કરાવવાનો પ્રયત્ન કર્યો પણ તે ગુલામ ચૂપ ન થયો આથી વજીરે તેને પાણીમાં ધકેલી દીધો.થોડી વાર બાદ વજીરે સૈનિકો દ્વારા તે ગુલામને પાણીમાંથી બચાવી ફરી હોડી પર ચડાવી એક બાજુ એ બેસાડી દીધો.ત્યાર બાદ તે ગુલામ ચૂપચાપ હોડીમાં બેસી રહ્યો. તેણે ચૂં કે ચાં ન કરી.

રાજાએ સાશ્ચર્ય વજીરને પૂછ્યું કે તે ગુલામ હવે એકદમ ચૂપ કેવી રીતે બેસી ગયો?

વજીરે કહ્યું જહાંપનાહ તે ગુલામ હોડીમાં સુરક્ષિત રીતે બેસવાનો આરામ અને પાણીમાં ડૂબવાની તકલીફ નહોતો જાણતો. જ્યારે તેને પાણીમાં ધક્કો મારી દેવામાં આવ્યો ત્યારે તેને જાણ થઈ કે હોડીમાં સુરક્ષિત રીતે બેસવાનું મહત્વ શું છે.

('ઈન્ટરનેટ પરથી')