પત્ની એટલે પત્ની !

એક નવું પરણેલું દંપતિ હાથમાં હાથ પરોવી બગીચામાં લટાર મારી રહ્યું હતું. અચાનક સામેથી એક કૂતરું આવી ચડ્યું. બંને ને ખબર પડી ગઈ કે એ તેમને કરડવાનું જ છે.

ત્વરીત બુદ્ધિ વાપરી પતિએ વ્હાલી પત્નીને પોતાના હાથમાં ઉંચકી લીધી અને કૂતરું પતિ ને કરડી ગયું.

કૂતરું કરડ્યા બાદ થોડી વાર તેમની સામે ઉભું રહ્યું અને ત્યાર બાદ થોડું ભસી ત્યાંથી ચાલ્યું ગયું. પતિએ હવે પત્નીને હેઠી ઉતારી અને આશાસ્પદ નજરે એની સામે જોયું, એવી અપેક્ષા સાથે કે જાણે હમણા પત્ની તેને વ્હાલથી ભેટી પડશે અને પ્રેમપૂર્વક તેનો આભાર માનશે.

પણ પત્ની એટલે પત્ની!

એ બરાડી,"મેં કૂતરા સામે પથરા ફેંકતા કે તેને લાકડી ફટકારતા અનેક લોકો જોયા છે પણ પોતાની પત્નીને ઉંચકી કૂતરા પર ફેંકવા જતા તમારા જેવા નિષ્ઠુર પતિ પહેલી વાર જોયા(!)"

ડઘાઈ ગયેલો પતિ બિચારો શું બોલે?!! 

ઉપસંહાર :

પત્ની એટલે પત્ની, એનાથી વધુ બૂરી રીતે અન્ય કોઈ તેના પતિ વિશે ગેરસમજ ન કરી શકે! 

- સ્વામી અજ્ઞાત મહારાજ   

('ઈન્ટરનેટ પરથી')