રક્ષાબંધન સ્પેશિયલ - બહેન એટલે ....

 ભાઈ ના બધાં દુઃખ પોતે લઇ જાય ...

દૂરથી પણ ભાઈની પીડાનો જેને એહસાસ થાય ..

            👫 ... એને બહેન કહેવાય ... 👫

       શબ્દો ને તો દુનિયા પણ સમજી શકે ...

      પણ જે ભાઈના મૌન ને પણ સમજે

            👫 ... એને બહેન કેહવાય ... 👫

    લડતી રહેતી એ હંમેશા એના ભાઈ સાથે ..! 

                               અને 

એજ ભાઈ માટે આખી દુનિયા સાથે પણ લડી જાય ..

           👫 ... એને બહેન કહેવાય ... 👫

    પહેલાં કરે ભાઈની ફરિયાદ મમ્મીપપ્પા ને ..

                             અને 

     પછી પોતે જ ભાઈ ની સાથે થઇ જાય ..

            👫 ... એને બહેન કહેવાય ... 👫

રિસાઇને ભાઈ કરે અબોલા તો પહેલાં આવી મનાવે ..

વાંક ભલેને ભાઈનો હોય , હમેંશા ભાઈને વિનવે ..

            👫 ... એને બહેન કહેવાય ... 👫

  શોધતાં રહીએ આપણે ઈશ્વર ને મંદિરોમાં ...

                                   પણ 

   મિત્ર સ્વરૂપે ખુદ જે ભગવાન તમારી સાથે રહે ..

             👫... એને બહેન કેહવાય ... 👫

       રડાવી છે ભાઈએ ખૂબ હેરાન કરીને ..

         તો પણ ભાઈને રડતો જોઈ હસાવે .. 

           👫 ... એને બહેન કહેવાય ... 👫

   ચીડાવી છે જેને ભાઈ એ ચોટલો ખેંચી ને ..

                તોય ભાઈ ને લાડ લડાવે ..

            👫 ... એને બહેન કહેવાય ... 👫

  લખાય કેમ કાગળ પર પ્રેમને શબ્દોમાં જેનો ..

   પોતાની મુસ્કાન  આપી ભાઈના આંસુ  હરે ..

            👫 ... એને બહેન કહેવાય ... 👫

જેના મીઠાં અવાજે ભાઈનો ચહેરો ખીલી જાય ..

શતાયુ જીવે મારો ભાઈલો એવી પ્રાર્થના કરતી જાય ..

             👫 ... એને બહેન કહેવાય ... 👫

(‘ઇન્ટરનેટ પરથી’)

રક્ષાબંધન

તમારે કાંડે આજે એ પવિત્ર સૂત્ર શોભે છે. બહેને બાંધેલી એ સૂક્ષ્મ રાખડી બળેવને દિવસે એ દર વર્ષે બાંધે છે તેમ. બહેન અને ભાઇ વચ્ચેના સંબંધનું પ્રતીક આજે તમારે હાથે શોભતી એ રાખડી  છે. તમારા ને બહેનના નિર્મળ પ્રેમની એ સાક્ષી છે.

રક્ષાબંધનને પ્રસંગે તમે તમારી સગી બહેનને કોઇ ભેટ આપી કે પૈસાની કોઇ રકમ એના હાથમાં મૂકી એટલે તમારી એ જવાબદારી પૂરી થઇ ગઇ એમ નથી.  એ જવાબદારી ફક્ત સગી બહેન માટે નહીં પણ બધી બહેનો માટે છે. અને તે એક દિવસ માટે પણ નહીં પણ તમારે કાંડે એ સૂત્ર હોય ત્યાં સુધી, અને એ સૂત્ર તૂટે-છૂટે ત્યારે પણ આખી જીંદગી માટે છે. તમારા આખા જીવનમાં તમારા સંપર્કમાં આવનાર બધી સ્ત્રીઓ માટે પ્રેમ, આદર ને  રક્ષણ એ આજનો મંત્ર ને આદેશ છે.

રાખડીને દિવસે આપણા હાથમાં કોઇ રાખડી બાંધે કે  ન બાંધે, પણ રક્ષ્ય વર્ગનું હિતનું ચિંતન કરવું જ જોઇએ એ આ દિવસનો સંદેશ છે.

- કાકા સાહેબ કાલેલકર અને ફાધર વાલેસ

(‘ઇન્ટરનેટ પરથી’)